Riyeuk di pasie, meuputie oh jie proh kareung
Bungong bineh leun, lon sibue keu ubat hate
Gata bek panik, teu janguen purnama buluen
Cinta lam leumung, loen seunyung suci bukoen lee.
Hana pree malam, hai intan uloen meulamun
Purnama buleun, lam reulueng meujelma sabee
Meusang di babah, ciet kapah watee uloen khuen
Bintang seulimum, deuh janguen cahya meuble-ble.
Indah teukisah, seujarah yoh masa jameun
Sabe loen reunung, peutumuen ngon bungong kande
Walau tan ciedah, meutuah reudok meugantung
Gaseh loen usung, beu cadeun seupunoh hatee.
Walaupih lara, dilema duka meulintueng
Galah loen gigeung, bak cabeung loen ikat rantee
Bah pieh bahtera, teubawa lam aroeh paseung
Layeu uloen lueng, loen reunteung ciet hana pree-pree
Ciedah di gunong, hai bungong lambayuen uteun
Meusang lam jangeun, uloen theun ie mata jilee
Empedu cinta, lam dada kasep meu sareung
Mameh ngon keu'eng, hai buluen hana loen pikee.
Yang peunteng kasat, lam hajat loen geumgam pideung
Bungong bineh leun, beu caduen lagee loen taksee
Hana loen pakoe, hai adoe walau ureung khuen
loen anggap mandum, hai buleun angen dari glee.
Pena Kinet BE
Posting Komentar