Meukrueseumangat, Jampang bak Pawe'uh
Pawoen Intan Meu'euh, Jaga le gata
Sejarah Aceh, Meupat Ta limeuh
Mangat ta peudeuh, Bak aneuk Bangsa
Hai loen timang, jeu'e tampoe Breuh
Lada ngon Awe'uh, neu pe'eh le Cuda
Keu aneuk Bangsa, meupeu Ta Peude'uh
Supaya gige'uh, jie kaloen Nyata
Adat Budaya, pudoe tan peunge'uh
Ka supoet seupe'uh, tan na soe jaga
Seuni Pusaka, leumah ka care'uh
Hana soe seuntuh, Hikayat Sastra
Di anuek tanyoe, jaroe ka ceube'uh
Galak jie limeuh, budaya luwa
Nibak bale beu't, jareung hana deu'h
Laloe lam peungeu'h, jie kalon gamba
Meusoe keuh salah, hai teungku Aguh
Oh ban ka leuseu'h, Aneuk reumaja
Kadang salah Due, hanjuet geu Asuh
Kayem meungeluh, hana beulanja
Yang leupah gura, wahee bang lasuh
Acuh han Acuh, di kawoem Muda
Meutan Jie peubuet, yang tuhan suruh
Laloe meutaruh, bak nonton bola
Meupat loen gadee, loen tunggee beu deuh
Eo teungku yusuh, seujarah Bangsa
Pudoe bek paneuk, aneuk bek ceubeu'h
Mangat loen peudeuh, bak sinyak Baka
Sayang sumantang, geucah ka Peungeuh
Ban lampoh Wakeu'h, ta tung Pusaka
Lheuh tacoek Hasee, mandum ta caruh
Ka teutop rauh, deungon jeureuta
Utuen ka punoh, pageu tan le Deu'h
Nyan lampoh wakeu'h, Tan na soe puga
Meunan Ciet Bagoe, wahee Teungku Muh
Seujarah careu'h, tan Na soe Jaga
Oh ban jie sudie, kiban loen Peudeu'h
Meupat loen limeu'h, loen mita punca
Sejarah Aceh, saheh ka ceubeu'h
Meupat ta Kireu'h, ta neuk peunyata.
Pena Kinet BE
Posting Komentar