Assalamalaikom, tangglong jeunulang
Pujoe keu tuhan, sidroe rabbana
Seulaweut salam, keu nabi khatam
mulia han ban, sidroe saidina
Nibak malam nyoe, loen ujoe kalam
Teuntang seu-olan, kiamat donya
Nibak deuh dali, meubagoe macam
Tanda ka sampai, leumah dum kana
Nibak mula phon, nanggroe dum seuh prang
Bala teuguran, bagoe bencana
Leumah golongan, meu macam-macam
Hadeih jie rancang, jie peuna-peuna
Syiah ka lahei, dalam iseulam
Inong ngon agam, iman tan le na
Budaya kafee, di jak besarkan
Sunggoh that sayang, ka lagei cina
Teuma keu dua, hai ampon taulan
Rimba ngon hutan, tanyoe jie hina
Meu tan ta jaga, nyan makheuluk tuhan
Kayee jie teubang, le biek durjana
Gunong ka jie kuh, jie tambak lahan
Perak ngon intan, kabeh dum yang na
Uroe nyan siboek, ngon giok Nagan
Sayang that alam, seu'um leumpah na
Tanda yang keu lhee, badee ngon topan
Bak sang han pirang, yoh goh geurhana
Mandum ka tuwoe, keu kalam tuhan
Kuroek di badan, hana meuguna
Donya rap akhee, macam cobaan
ureung dum lalai, deungon buet donya
Gadoh geu ikoet, gaya politan
iman lam badan, tan meube seuma
Tujoh ploh lhee boh, bicah iseulam
Saboh hai rakan, yang na seupurna
Macam dum bagoe, jinoe aliran
Meulumpah sayang, umat lam donya
Seumoga tanyoe, lam lindong tuhan
Tawoe beu sajan, akan Saidina
Oh noe meumada, loen tuleh kalam
Hamdan ngon taulan, meuah ubena
Kadang na salah, dalam tulesan
Cupa lam karang, peu beutoi teuma
Seumoga beujroeh, lam donya tuhan
Iman lam badan, beukeuh seupurna.
Pena Kinet BE
Posting Komentar