Laye di oe'n u, ta manyuem reungkan
cabeung bak sintang, keu tameh bale
tuha di umue, tan keubajikan
Tamse boh mamplam, jikap le tupe
Meu krueseumnagat, adoe ngon rakan
Wareh iseulam, duson ngon keude
Haroek keu camplie,neu jak meuladang
Haroek keu Puan, neu mita jure
Jameun ka maju, meu bagoe macam
Inong ngon agam, meutan na malee
Tamse ban kameng, yang hana ladang
Bak taloe jalan, jihue keulikee
Ta peugah bangai, sikula manyang
Ta peugah jawai, teuka juet pakee
Malee hana lee, lam leubok badan
Ka jingui reusam, budaya kafee
Ka nafsi nafsi, seusama iseulam
Deungoe anjuran, nibak si jahee
meu tan lee harga, mahkota badan
Seutara sang sang, lagei yum tempe
Muka tan malee, adap tan sopan
Dak na teuguran, hana takot lee
Leumah dum ta eu, bak jalan jalan
Peureuseh sang sang, ban muge bacee
Allah tuengku oe, ingat keu tuhan
Supaya tentram, hudep teuh sabee
Donya nyoe hai kak, cuma singgahan
Yang kekal baqa, oh uroe pagee
Meu leupah hadeup, ta eu piasan
Jameun ka edan, rakan boehate
Seusama bangsa, kabeh di meu cang
Bak weuk sigupai, lampoh han adee
Peutanda donya, allah cok pulang
Urueng iseulam, kabeh lam cee bree
Ka di meupakee, adoe ngon abang
Jie rupah tiang, bak weuk peura e
Keude dum teudong, ka rata simpang
Laloe hana ban, rakyat bineh glee
Urueng hana lee, lam rumoh tuhan
Ka tinggai reusam, hukom ngon fih e
Bak keudee kupi, ulee geu tumpang
Uroe ngon malam, eu patong kafee
Nibak balee buet, peuduli pih tan
Seu olah sang sang, hana wajeb lee
Ka meunan takdi, keheundak tuhan
Urueng iseulam, loe that ka jahee
Ajaran sesat, pih ka troh datang
Tanda hai rakan, donya ka akhee
Pajan ciet malem, ureung iseulam
Watee lam badan, munafek tan lee
Watee geu teupu, hukom al qur'an
Meunyeusai badan, seudeh bukon lee
Hudep di donya, wahee eo rakan
Ban lumpoe malam, jie piyoeh pagee
Lam hana ta thee, ajai trok datang
Nyawong ngon badan, akan di meu cree
Posting Komentar