Judul : Meuheut Meunikah 2
Peunuleh: Adam Zainal
Hai jak loen dodi, seunalen ija
Teupong breuh saka, geu top ka bicah
Seunambong jabet, sudep lam liwa
Teuntang nyak dara, hawa meunikah
Alah kutiding, bujue oe'n lada
Angen utara, bak sang ka bicah
Di teungku ampon, ka geu meu haba
Peunulang kada, lam musyawarah
Wahee eo adek, ban sirek gula
Na pue seukada, uloen neuk peugah
Teuntang lamaran, yang gata yue ba
Akan seugera, ngon insya allah
Ka lhueh bak poma, loen sampoe haba
Geu jaweub lanja, alhamdulillah
Ayah geu restu, geu tanyoe dua
Dak juet beu sigra, tanyoe meunikah
Han ek le loen thuen, oeh malam jula
Badan loen peuja, ban campli mirah
Andai hai adek, meunyoe na gata
Kuwet ngon peuja, kana soe ilah
Meuhuet lam hate, kande bungong la
Nibak KAU, tajak jue bagah
Nyan ban ka kasat, di dalam dada
Tanyoe meu pesta, beu brat meriah
Meunan geu marit, di cut bang baka
Nafsu ka hawa, bungkoh bu kulah
Hingga teuseupoh, adek julaiha
Male jih raya, bak muka leumah
Allah hai poe loen, wahee eo kanda
Pakon that gura, haba neu peugah
Meusang lam kudok, suum meunyala
Loen dingoe kata, haba lam kisah
Neu preh cut bang oe, oeh buluen muda
Bek buluen safa, tanyoe meunikah
Puloem di adek, mantong sikula
Beu ek bang saba, oeh beh kuliah
Beu klam loen tanyong, ka nibak poma
Teuntang seulanga, si bungong birah
Uloen hai poma, meuheut seb raya
Loen neuk meunikah, ngon abang dollah
Pue keuh neu restu, akan aneuk nda
Mantong sikula, di jak meunikah
Poma geu seuot, leumbot that leumah
Aneuk meutuah, seunang loen raya
Teutapi hai neuk, kiban ta liwa
Loen takot raya, tan restu ayah
Kareuna gata, mantong that muda
Panyang neuk masa, untuk meunikah
Cuba ta tanyong, hai neuk le gata
Pue keu geu ridha, hajat lee ayah
Kadang geuyu preh, abeh sikula
Sukses di gata, neubi le allah
Leumpah weuh hate, bungong keupula
Bak mieng meunyala, ie mata darah
Kiban balasan, di jok keu kanda
Ka leupah haba, bak peugah peugah
Karap lhee uroe, di dalam kama
Makanan hana, bak sang hie tan grah
Hate ka seungu, gundah gulana
Tingoh dilema, jie sandang susah
Sekian dile, ritee seupeuna
Kadang lam nama, ka uloen olah
Meuah teukeudi, salah ngon hana
Cuma hiburan, dalam risalah
Episode keu lhe, loen sambong teuma
Laen loem tema, di dalam naskah
Salam alaikom, bak ujong pena
Meuah ubeena, kadang na salah
Posting Komentar