Judul: Moto Pajero
Peunuleh: Adam Zainal
Rumor, Gantoe Hiburan😅😅
Puncak Gunong goh, Leusoh u Bireuen
Kayee meucabeung, reubah but sinso
Sayang bansa loen, kageu tumpang keung
Sabe lam hireuen, ka tahoe ganteo
Bacut risalah, titah loen seunyung
Keunoe uloen leung, ka rakan kanto
Pakon ka teuim, dalam termenung
Hana soe juet khuen, kadang teulanjoe
Di pomerintah, di nanggroe Bireuen
Geu Hibah Sulueng, Moto Pajero
Sedangkan rakyat, Mantong Meulamun
Sebe grah ruku'ng, lam Moe bak e'o
Macam piasan, leumah di Bireuen
Han pue ta hireuen, wahee rakan eo
Meutulah kisah, nyan ka peukateun
Lage lam janguen, preh lintoe baro
Teuma leh pakon, jeut riyoh mandum
Ubena urueng, kabeh meu ho ho
Leh pat yang salah, geu jabet tumnyum
Keu tuan agung, geujok Pajero
Meukruseumangat, lamat lam mideun
Neu timang si seun, beugot neu ato
Mangat bek karu, rakyat di Bireuen
Bek le khuen meukhuen, peujabat kanto
Kiban neu meujroh, rapat bek jareung
Meupat yang kurueng, neu mita info
Keu Rakyat gasin, neu cie bie saleum
Neu sumbang Seunyum, peureundah baho
Teuma kadang na, Rakyat yang hireun
Teuntang peukateun, urueng lam kanto
Ngon urueng gampong, sagai bek jareung
Haba neu sunyung, wahee bapak eo
Bek teuka heboh, sabe di Bireuen
Singoh juet di khuen, le awak Tokyo
Bahwa geutanyoe, licek peukateun
Rakyat ta Kurbeun, Keu titel baho
Meubit tan salah, peupatah jameun
Sayang buya krung, ka tahoe ganteo
Di buya tamong, juet payoh mandum
Mandum asoe krung, jie teume hambo
Meunan tamselan, karang dalam seung
Meusoe yang keung, meuah rakan eo
Nyan realita, fakta di Bireuen
Abeh meueh Qarun, rakyat lih lubo
Meunyoe ta kalon, rakyat meuraheung
Di kuta Bireuen, Rap rata Pinto
Manyak ngon muda, Tuha bungkok rung
Bak aki rinyuen, Mita belanjo
Keupue ciet na peng, kadang meu triliun
Meu Rakyat Bireuen, han ek neu ato
Pakoen peungemis, mantong meurahueng
Keupue Ciet Bireuen, na panti Jompo
Ka jeut hai bapak, seumike mandum
Demi keu Bireuen, Kuta yang Beuho
Ka jeut neu pulang, Hibah bek neutung
Neu puwoe mandum, Moto pajero
Eo urueng kaya, yang na di Bireuen
Bek ingat adun, wareh rakan oe
Tanyoe bek bulo, oh leumah balum
Rakyat di Bireuen, Tinggai lam jambo
Nyoe kon ata droe, bek tanyoe rayung
Meubek gata tung, adak di peto
Goet gata tulak, seugak lam lumung
Yang bek di adun, Dalam teukabo
Ata hak rakyat, bek gata talum
Wate huk rukung, han meuhoe tajo
Inteuk bak taku, meukumat tuleung
Hana meuhoe plung, suah moe bak eo
Posting Komentar