Ceurape VS Tikoh Te'eng
Untuk Hiburan..
Jika ada kesamaan nama, tempat saya mohon maaf, tidak di sengaja,cerita ini hanya fikti belaka.
Selamat menikmati.
Assalamu- alaikom, eo kawoem muda
Cut kak ngon pakwa, saleum uloen bi
Kisah loen tuleh, lam dunya maya
Panton sikada, loen ranteng rawi
Dalam keurajuen, bak saboh masa
Tu nek calitra, keu sidroe Nabi
Nabi Sulaiman, yang that mulia
Juet geu meu bahsa, deungon jen pari
Jinoe loen ireng, silahen deupa
Izin bak gata, harap beu neubi
Kisah loen jabet, keu Bireuen jeumpa
Nanggroe yang kaya, cidah ngon tari
Teuntang tikoh te'eng, loen sunteng haba
Jeulah meu beda, ngon mirapati
Juah ceurapee, jie takot Naga
Di cungke mata, sayang uleu i
Teupeh keurani, urueng lam desa
Geu peusa dua, bak saboh hari
Dalam tamselan, geu peugah haba
Di urueng gata, salah boh arti
Sideh di Bireuen, na rapat desa
Sinan keuh mula, asai teujadi
Geu khuen tikoh te'eng, dalam acara
Di apa baka, ka jie ek tensi
Hayeu di tikoh, bak kurek guha
Carong meu laba, han ji tem rugi
Hingga u pateun, seulung di buka
Meu macam cara, ka di kuasai
Teuma ceurape, teuseunde rasa
Sayang jieh raya, akan tikoh dri
Bek kinong ranjoe, bak busoe tuha
Maka syedara, geunasehati
Teuma di tikoh, salah keunira
Kiroh pih raya, salah boh arti
Padahai ka jroh, seuloh geu kata
Ceurape tuha, ngat wanti wanti
Di para tikoh, riyoh ka subra
Jihoi teutangga, iteuk beulati
Sampe ka luah, itek hu haba
Teuka juet subra, di dalam negri
Di pawang tikoh, leusoh ka sukla
Ka mirah muka, hana meupu hi
Bak salah dingoe, si fasah kata
Hingga han bla bla, jie pansi pansi
Hai kruseumangat, lamat lam rimba
Tulong syedara, yang ka di bully
Leupah that sayang, ceurape tuha
Wap salah haba, info yang jibi
Di itek lati, seunang biet raya
Lhueh jie hu haba, tan jie paduli
Yang peunteng di jih, kana beurita
Hana peukara, dak gop di benci
Di poe ceurape, male ka teuka
Tan le meuhaba, meu hari hari
Takot roh salah, bak peugah haba
Inteuk juet gura, oh gop boh arti
Nyan peungalam, rakan syedara
Oh na beurita, beugot teuliti
Bek ganpang gampang, teurimong haba
Singoh juet gura, ka male diri
Wate na kawom, sanjong mulia
Bek leupah haba, bak meja kupi
Acie peurati, info yang jie ba
Leungkap berupa, fakta ngon bukti
Ot noe keuh mantong, loen tuleh rika
Harap bak gata, meuah beu neubi
Hana makeusod, loen jaroet luka
Panton sikada, geulantoe hobi
Gantoe hiburan, bak malam jula
Syah e pusaka, cucoe nek gani
Wajeb geutanyoe, junjong budaya
Singoh ta puga, keu generasi.
Posting Komentar