Assalamu-alaikom tanglong jeuneulang
Aneuk khan layang karoh lam sawok
Hajat lam hate keunoe lon datang
Keu garang-garang, haba lon peupok
Nanggroe aceh nyoe hidayah tuhan
Loe hase alam ngon bate giok
Sayang di gunong kaye jie teubang
Lam tanoh kulam dum kabeh jikrok
Beuna neu ingat siploh thon silam
Yoeh keujadian Aceh meugok-gok
Jeut gumpa bumoe neubi le Tuhan
Tsunami datang tanyoe jie pie-crok
Meureutoh ribe nyowong meulayang
Geubi teuguran hikmah beu neucok
Beuna neu syukoe nikmat bak Tuhan
Meu'eh deungon intan jinoe dum taclok
Bak gara-gara na giok Nagan
Teudong pasukan deungon keulompok
Karap jie meulhoe adoe ngon abang
Bak reupah intan si bate giok
eo krueseumangat kaye tualang
Aceh lon sayang tameh ka cikok
Di miyuep bumoe kabeh juet kulam
Sayang that alam hase ka jicok
Keupue lah guna dum perhiasan
Keu nikmat tuhan geutanyoe lak-lok
Di aneuk yatim teuduk di pandang
Tanna soe paban meu-sikrek dugok
Puekeuh ka tuwoe ampon ngon taulan
Peurintah Tuhan muda ngon utok
Bek juet teukaboe ngon kekayaan
Allah cok pulang suah lieh cabok
Meu'ah si baet lon rite kalam
Kadang tan sopan bak ulon pakhok
Kadang teulanjoe lon pudoe lisan
Meu'ah hai rakan ulon bek neukhok.
Pena Kinet BE
Posting Komentar