Gaseh Meudusta

Loen tabu gaseh, Rinteh ka cupa
Cinta loen puga, Hana le arti
Rindu teusireh, Meutindeh luka
Sidumna lara, Peuja ban campli

Eo meundang pudi, Peuri teulaga
Pakoen juet tega, Ta gureh hati
Gaseh uloen joek, Ta balah dusta
Janji yang seutia, Dinda ingkari

Meupue salah loen, Hai intan jeulita
Hingga juet kada, Loen ta sakiti
Andai loen teupu, Meunoe Ceurita
Yoeh dilee gata, Han loen deukati

Leuksana ijoek, lam pacok tuha
Neuple si cupa, Lam cawan tari
Keu uloen neujok, Si teugok nira
Neuboh ngon tuba, Teuhidang rapi

Hana loen teupu, Seumadu cinta
Seutetes tuba, Loen teugoek ngon ie
Meusang han pudoe, Seulusoe lara
Meutamah duka, Nestapa hati

Meusang leuksana, Badee troh teuka
ie raya maba, Gaseh yang suci
Bagoe seureukap, Yang dua muka
Peurangui gata, Eo mampang tari

Bak loen ta peutoe, Teuseuheh kada
Rumeh ie muka, Meusang han pudi
Keudeh ta peurap, Laen loem gaya
Meu sandiwara, Ta lanton syah'i

Allah rakan eo, Hancoe meubura
Takdir meucinta, Leupah that ngeri
Hate teucureh, Meutan deuh luka
Tapi keucewa, Seupanyang hari

Kiban loem jaloeh, Saloeh ka padra
Ateung ka bungka, Neuhuen di pasie
Andai loen teupu, Meunoe juet kada
Han loen meucinta, Ngon adek Ani

Teutapi lakzem, Eo Dalem baka
Tanyoe pemuda, Meunan geu ujie
Nafsu geu coba, Le Poe Ta'alla
Keu manusia, Meuragam bansi.

Pena Kinet BE